Dil Ko Un Se Khuda

Dil ko un se Khuda juda na kare Be-kasi loot le Khuda na kare

Is mein rawzah ka sajdah ho ke tawaaf Hosh mein jo na ho woh kya na kare

Yeh wohi hain ke bakhsh dete hain Kaun in jurmon par saza na kare

Sab tabibon ne de diya hai jawab Aah Isa agar dawa na kare

Dil kahan le chala haram se mujhe Are tera bura Khuda na kare

Get Lyrics On-The-Go! Download Our App Now!

Uzr-e-umeed-e-afw gar na sunen Roo-siyah aur kya bahana kare

Dil mein roshan hai sham-e-ishq-e-huzoor Kash josh-e-hawas hawa na kare

Hashr mein hum bhi sair dekhen ge Munkir aaj un se iltija na kare

Zu’f maana magar yeh zalim dil Un ke raste mein to thaka na kare

Jab teri khoo hai sab ka jee rakhna Wohi achha jo dil bura na kare

Dil se ik zauq-e-mai ka talib hoon Kaun kehta hai ittiqa na kare

Le Raza sab chale Madine ko Main na jaaun are Khuda na kare