Dil Hai Chavedar

Dil hai chobdaar, saans eelchi Rasool ﷺ ki Taj-o-takht se azeem naukri Rasool ﷺ ki

No More Screenshots! Save Storage with Our Lyrics App!

Ibtida-o-intiha kare tawaf Aap ﷺ ka Jaane wali aane wali har sadi Rasool ﷺ ki

Un ke dar pe ja ke khatam hon tamam raaste Jis taraf ka rukh karun pade gali Rasool ﷺ ki

Chaudah sau baras ka faasla hai garche darmiyaan Phir bhi mere saamne hai zindagi Rasool ﷺ ki

Dono mutthiyon se kaayinaat lag rahi hai kam Yun meri giraft mein hai paaynti Rasool ﷺ ki

Haath par hai haath, aankh paanv ke nishan par Raasta dikha rahi hai raasti Rasool ﷺ ki

Waqt ki bayaaz mein utaarne ki der hai Rooh par to likh chuka hoon masnavi Rasool ﷺ ki

Marte marte ji utha Muzaffar un ke naam par Pat jharon mein ki wasool taazgi Rasool ﷺ ki