Dekhna Toh Hai Barri Baat

Dekhna toh hai bari baat Shah-e-Bat-ha ko Dekhne walon ke bhi tevar nahi dekhe jaate

Rehmat-e-Shah-e-Madinah ka karam kaam aaya Varna aamaal na thay aise ke bakhshe jaate

Ki na Kaaba ki ziyaarat bhi baghair Aaqa ke Dars-e-Usman ajab de gaye jaate jaate

Kaun Sarkar ko sar-ta-ba-qadam dekhe ga Paaye-aqdas bhi barabar nahi dekhe jaate

Get Lyrics On-The-Go! Download Our App Now!

Noor ki had mein faqat noor hi ja sakta hai Aap faqat hote bashar Arsh pe kaise jaate

Saaya-e-Gumbad-e-Khizra jinhein apnaata hai Noor-e-Haq se hain wohi qalb ujaale jaate

Noor-e-baatin se Madine ke nazaare dekho Sirf aankhon se yeh manzar nahi dekhe jaate

Zindagi doori-e-Sarkar mein khud maut hai Shauq Hum hain har saans mein apne se bikharte jaate