Darood Uss Ke Liye Hai

Durood us ke liye hai salam us ke liye Khuda ke baad tamam ehtram us ke liye

Meri hayat hai maqrooz us ki rehmat ki Har ek saans mira us ke naam us ke liye

Main apne ghar mein bhi us ka tawaf karta hoon Safar mein rakhta hai mujh ko qayam us ke liye

Nadamaton ne chata ya mujhe lahoo mera Halal kar liya main ne, haram, us ke liye

Har ik zaban mein us par durood bhejta hoon Sakoot us ke liye hai kalam us ke liye

Meri talab ki koi inteha na ho Ya Rabb Tamam umar rahoon na tamam, us ke liye

Usi ke chehra-o-gesu ki baat karte hain Yeh subah us ke liye hai yeh sham us ke liye

Mohabbat us ki theher to gayi mere dil mein Magar yeh dil mein bhi hai kamtar maqam, us ke liye

Instant Access to Thousands of Lyrics - Tap to Install!

Farishto aao bhi, le bhi chalo Muzaffar ko Jo chahiye tumhein koi ghulam, us ke liye