Darood Bhi Parhun

Durood bhi parhoon namaz ki tarah Khule meri zaban raaz ki tarah

Mohabbat-e-Rasool ﷺ rizq-e-rooh hai Zarooratein bhi hain jawaz ki tarah

Wasool ki hain Mustafa ﷺ ke naam par Tamaam sakhtiyan gudaz ki tarah

Nigah-e-Rahmatul-lil-Aalameen bhi Hai hukm-e-Rabb-e-karsaz ki tarah

Ghalami-e-Rasool ﷺ-e-namdar par Main naaz bhi karoon niaz ki tarah

Imam-ul-Anbiya ki bargah mein Khare hain Ghaznavi Ayaz ki tarah

Find Your Favorite Lyrics Anytime, Anywhere - Install the App Today!

Ragon ke khoon se zyada qeemti Watan ki khaak bhi Hijaz ki tarah

Muzaffar unki raah mein qadam qadam Bikhar gaya hoon irtikaz ki tarah