Darood Bhi Parhun

درود بھی پڑھوں نماز کی طرح کھُلے مری زبان راز کی طرح

محبت رسولؐ رزقِ روح ہے ضرورتیں بھی ہیں جواز کی طرح

وصول کی ہیں مصطفؐےٰ کے نام پر تمام سختیاں گداز کی طرح

Instant Access to Thousands of Lyrics - Tap to Install!

نگاہِ رحمت اللعّالمین بھی ہے حکمِ ربِّ کارساز کی طرح

غلامیِ رسولِؐ نامدار پر میں ناز بھی کروں نیاز کی طرح

امام الانبیاء کی بارگاہ میں کھڑے ہیں غزنوی ایاز کی طرح

رگوں کے خون سے زیادہ قیمتی وطن کی خاک بھی حجاز کی طرح

مظفر انکی راہ میں قدم قدم بکھر گیا ہوں ارتکاز کی طرح