Dard Un Ka Muhabbat Ke

Dard un ka mohabbat ke bazaar se apna dil apni jaan bech kar le liya Chand suraj, mere baam-o-dar ho gaye un ke qadmon mein jis din se ghar le liya

Mera dil Mustafaؐ mera gham Mustafaؐ mera sab kuch Khuda ki qasam Mustafaؐ Qabr ke waaste hashr ke waaste chahiye jitna rukhsat-e-safar le liya

Aaye jab woh tamannaon ke ghol mein kainaat aa gayi mere kashkol mein Ek nazar sirf unhein dekhne ke liye saari duniya ka husn-e-nazar le liya

Your Lyrics, Even Offline - Install the App for Free!

Saltanat se bhi aala gadai mili un ka qaidi hua toh rehai mili Rehmaton ki sifarish pe taqdeer ne mera har ek jurm apne sar le liya

Kuch na kuch hum bhi hain un ki daanish mein naam apna bhi hai un ki fehrist mein Ab na roke ga Rizwan jannat hamein un se parwana-e-rehguzar le liya

Zindagi jab se apni thikane lagi yaad jab se Muhammadؐ ki aane lagi Tishnagi hauz-e-Kausar pe jaane lagi masiyat ne bhi jannat mein ghar le liya

Un ki kamli Muzaffar utha kar chalun khaak-e-pa putliyon par utha kar chalun Qatl-gahon mein bhi sar utha kar chalun hausla un se aisa nadar le liya