Dar e Nabi Par Pohanch Gaya Hun

Dar-e-Nabi par pahunch gaya hoon Yaqeen haawi sa hai gumaan par Zameen par hoon keh aasmaan par Main hoon nahin hoon jo hoon toh kya hoon Dar-e-Nabi par pahunch gaya hoon

Na rang-e-naam-o-namood mera Na saaya-e-hast-o-bood mera Khunak khunak noor-e-Mustafa hai Pighal raha hai wajood mera Jamaal-e-Sarkar zaufishaan hai Nigaah mein darmiyaan kahan hai Sarapa aankhein bana hua hoon Dar-e-Nabi par pahunch gaya hoon

Yeh deed-e-me'raj hai nazar ki Yehi kamayi hai umr bhar ki Ra'ees-e-lail-o-nahaar thehra Talab ho kya mujh ko maal-o-zar ki Sha'oor-e-irfan-o-aagahi se Khazana-e-jalwa-e-Nabi se Tijoriyon ki tarah bhara hoon Dar-e-Nabi par pahunch gaya hoon

Never Be Without Your Favorite Lyrics - Get the App for Offline Access!

Hayaat ko jis ki dhun rahi hai Woh qurb ke phool chun rahi hai Salam ka bhi jawab goya Sama'at-e-ishq sun rahi hai Ab aur kya maangna hai Rabb se Keh haath baandhey hue adab se Huzoor ke saamne khada hoon Dar-e-Nabi par pahunch gaya hoon

Yeh Rauza-e-Shah-e-Ambiya hai Keh kursi-o-Arsh-e-Kibriya hai Bandha hai darbariyon ka taanta Ajeeb andaaz-e-takhliya hai Baghair-e-ijazat ho baaryabi Siyahi-e-dil ho aaftabi Main zang khorda chamak utha hoon Dar-e-Nabi par pahunch gaya hoon