Dar e Nabi Ki Taraf Chala Hun

Dar-e-Nabi ki taraf chala hoon Badan pe chadar hai aansuon ki Lahu mein lazzat hai raston ki Baghair khushboo mehak raha hoon Dar-e-Nabi ki taraf chala hoon

Sukoon-aamez be-qarari Hai meri yak-sooiyon pe tari Chali Buraq-e-kashish pe le kar Rasool-e-Akram ki gham-gusari Rasaai hai bakht-e-naarsa mein Sira hai ik dast-e-Mustafa mein Main dor ka doosra sira hoon Dar-e-Nabi ki taraf chala hoon

Tawaf-e-Kaaba tha farz mujh par Dar-e-Nabi ka hai qarz mujh par Simat ke saya-fagan hua hai Jahan ka tool-o-arz mujh par Shareek-e-raftar jo rahe hain Woh faasle khatm ho rahe hain Main aaj se apni ibtida hoon Dar-e-Nabi ki taraf chala hoon

Your Lyrics, Even Offline - Install the App for Free!

Dikhai dene laga Madinah Misal-e-dar khul raha hai seenah Hawaa-ein hooron ke lams jaisi Faza-ein khuld-e-bareen ka zeenah Khule hue bazoo-on si raahein Har ik musafir ko itna chaahein Ke un ki chahat pe mar mita hoon Dar-e-Nabi ki taraf chala hoon

Yeh sa'at qeemti bhi aayi Ke hazri ko chali judai Dhadak rahe hain hawaas-e-khamsa Laraz rahi hai barhana paai Behisht-e-aalam hai yeh ilaqa Qadam qadam naqsh-e-pa-e-Aqa Zameen ke sheeshe mein dekhta hoon Dar-e-Nabi ki taraf chala hoon