Dafan Jo Sadiyon Talay Hai

Dafn jo sadiyon taley hai woh khazana de de Ek lamhay ko mujhe apna zamana de de

Chaap de apne khad-o-khaal meri aankhon par Phir rahaish ke liye aaina khana de de

Aur kuch tujh se nahin maangta mere Aaqa Naarsaai ko ziyaarat ka bahaana de de

Download Lyrics & Access Offline - Install Our App Now!

Maut jab aaye mujhe kaash tere shehar mein aaye Khaak-e-Bat-ha se bhi keh de ke thikaana de de

Zindagi, jang ka maidaan nazar aati hai Meri har saans ko aahang-e-taraana de de

Apne haathon hi pareshaan hai ummat teri Us ke uljhay huay haalaat ko shaana de de

Apne maazi se Muzaffar ko nadaamat to na ho Is ke imroz ko farda-e-yagaana de de