Dafan Jo Sadiyon Talay Hai

دفن جو صدیوں تلے ہے وہ خزانہ دے دے ایک لمحے کو مجھے اپنا زمانہ دےدے

چھاپ دے اپنے خدوخال مری آنکھوں پر پھر رہائش کے لیے آئِنہ خانہ دے دے

اور کُچھ تُجھ سے نہیں مانگتا میرے آقا نارسائی کو زیارت کا بہانہ دےدے

مَوت جب آئے مجھے کاش ترے شہر میں آئے خاکِ بطحا سے بھی کہہ دے کہ ٹھکانہ دے دے

زندگی ، جنگ کا میدان نظر آتی ہے میری ہر سانس کو آہنگِ ترانہ دےدے

Offline Lyrics Anytime, Anywhere - Download the App Today!

اپنے ہاتھوں ہی پریشان ہے اُمّت تیری اُس کے اُلجھے ہُوئے حالات کو شانہ دےدے

اپنے ماضی سے مظفّؔر کو ندامت تو نہ ہو اس کے اِمروز کو فردائے یگانہ دے دے