Chaman e Taiba Mein Sumbal

Chaman-e-Taiba mein sumbul jo sanware gesu Hoor barh kar shikan-e-naaz pe ware gesu

Ki jo baalon se tere roza ki jaarob kashi Shab ko shabnam ne tabarruk ko hain dhaare gesu

Hum siyah karon pe ya Rabb tapish-e-mahshar mein Saya-e-afgan hon tere pyare ke pyare gesu

Charche hooron mein hain dekho to zara baal-e-Buraq Sumbul-e-khuld ke qurban utare gesu

Aakhir-e-hajj gham-e-ummat mein pareshan ho kar Teera bakhton ki shafa'at ko sidhare gesu

Gosh tak sunte the faryad ab aaye ta-dosh Ke bane khana-ba-doshon ko sahare gesu

Sookhe dhaanon pe hamare bhi karam ho jaaye Chhaye rehmat ki ghata ban ke tumhare gesu

Ka'ba-e-jaan ko pehnaya hai ghilaf-e-mushkeen Ur kar aaye hain jo abru pe tumhare gesu

Silsila paa ke shafa'at ka jhuke parte hain Sajda-e-shukr ke karte hain ishaare gesu

Mushk-boo koocha yeh kis phool ka jhaara un se Hooriyo ambar-e-sara hue saare gesu

Dekho Quran mein shab-e-qadr hai ta matla-e-fajr Ya'ni nazdeek hain ariz ke woh pyare gesu

Bheeni khushbu se mehak jaati hain galiyan wallah Kaise phoolon mein basaye hain tumhare gesu

Shaan-e-rehmat hai ke shana na juda ho dam bhar Seena chaakon pe kuch is darja hain pyare gesu

Shana hai panja-e-qudrat tere baalon ke liye Kaise hathon ne Shaha tere sanware gesu

Uhud-e-paak ki choti se ulajh le shab bhar Subh hone do shab-e-eid ne haare gesu

Muzda ho qibla se ghanghor ghatayein umdein Abruon par woh jhuke jhoom ke baare gesu

Taar-e-sheeraza-e-majmooa-e-konain hain yeh Haal khul jaaye jo ik dam hon kinare gesu

More Lyrics, Less Storage - Install the App and Ditch the Screenshots!

Tel ki boondein tapakti nahin baalon se Raza Subh-e-ariz pe lutate hain sitare gesu