Buzurgi Muhabbat Adab

Buzurgi, mohabbat, adab paane wala Woh har khubsurat laqab paane wala

Khuda ka woh mehboob banda Khuda se Khuda ki nazar, haath, lab paane wala

Woh maujood tha sulb-e-Aadam se pehle Nasab se bhi pehle nasab paane wala

Azal ki jabeen par woh matloob-e-Khaliq Hira mein talab hi talab paane wala

Dua-e-Ibrahim, beemar us ki Maseehai ka woh matab paane wala

Woh arz-o-sama mein mohabbat ka mojib Woh Rab aur makhlooq-e-Rab paane wala

Tawaaf us ka karte hain saare zamaane Watad paane wala, sabab paane wala

Bhali se bhali de gaya zindagani Bure se bure roz-o-shab paane wala

Bana Sidrat-ul-Muntaha ka musafir Woh aab-o-hawa-e-Arab paane wala

Sahaba ki saff mein khara hai yaqeenan Use apne seene mein ab paane wala

More Lyrics, Less Storage - Install the App and Ditch the Screenshots!

Na tha jab Khuda ke siwa kuch Muzaffar Akele Khuda ko woh tab paane wala