Bue Bahshat Zauj Ali

Bu-e-bahisht, zauj-e-Ali, dukhtar-e-Rasool Umm-e-Abeeha, Zahra-o-Mansoorah-o-Batool

Kulsoom, Sara, Asiya, Maryam ke ghool mein Manind-e-mahtab hua khak par nuzool

Batn-e-Khadija se adab-e-adaab yafta Maula-e-kainat jise soonghte woh phool

Jannat ki ne'matein, tere faqon ki mezban Hone diya na tujh ko Khuda ne kabhi malool

Baba ke baad tu bhi zyada na jee saki Din zindagi ke sirf bahattar kiye qabool

Get Lyrics On-The-Go! Download Our App Now!

Tujh se faqat wirasat-e-nasl-e-pidar chali Ik Zain-ul-Abideen ne shajra kiya wasool

Hai naaz deen ko tere bete Hussain par Apne lahoo se likh gaya sachai ke usool

Zainab ke sar pe jab koi chadar nahi rahi Tujh se lipat ke rone lagi Karbala ki dhool

Mahshar mein zalimon pe karoon ga muqadma Rakh li hain jaib-e-rooh mein tareekh ke nuqool