Bikhra Hua Para Hun

Bikhra hua para hoon dil se dar-e-Nabi ﷺ tak Jaana hai sirf mujh ko hairat se aagahi tak

Auj-o-kamal sara husn-o-jamal sara Aaina-e-Khuda se aks-e-Muhammadi ﷺ tak

Gar un se wasta hai ek pal ka raasta hai Bahar ki teergi se andar ki roshni tak

Duniya thi gadli gadli aa kar unhon ne badli Woh sirf darmiyan hain banday se bandagi tak

Tehzeeb ke hain Mohsin roshan hai un se batin Chaap unki saya un ka Aadam se aadmi tak

Ehsaan-e-Mustafa ﷺ hai faizan-e-Mustafa ﷺ hai Jalte huay diye se khulti hui kali tak

Dhoay hain paap mere maalik hain aap ﷺ mere Duniya ki zindagi se uqba ki zindagi tak

Free Up Space - Get Lyrics Without Bulky Screenshots!

Ek aur hi safar par niklay hain hum Muzaffar Duniya aboor kar ke pohanchay jo us gali tak