Be Hissi Rah Numa Thehri Hai

Be-hissi, raah-numa thehri hai Zindagi, khauf-e-qaza thehri hai

Chhin gayin mujh se meri roshniyan Teergi, ghar ka diya thehri hai

Apne hi khoon mein naha kar niklun Chadar-e-zakhm, qaba thehri hai

Kis ki zanjeer hilaun ja kar Ab to faryaad, khata thehri hai

Bhool baitha hun Khuda ko shaayad Aake honthon pe dua thehri hai

Koi manzil hai na rasta mera Waqt, dekhe na tamasha mera

Get Lyrics On-The-Go! Download Our App Now!

Pyaas barhti hi chali jaati hai Sookhta jaata hai darya mera

Aks-e-aslaaf se shikwa hai mujhe Aaina ho gaya dhundla mera

Masjid-e-rooh mein hoti hai azaan Rukh nahin janib-e-Kaaba, mera

Reham, aflaas pe mere, Ya Rabb "Ya Muhammad ﷺ" ho wazifa, mera