Bashar Woh Hai Jis Ko

Bashar woh hai jis ko teri justuju hai Wohi lab hai jis par teri guftagu hai

Teri yaad aabadi-e-khanah-e-dil Dilon ki tamanna teri aarzu hai

Use ek Allah ne ek banaya Woh har wasf mein la-shareeka lahu hai

Main woh sag nahin hoon bahut dar hoon jis ke Main woh sag hoon jis ka faqat ek tu hai

Namaz-o-azaan kalima-o-zikr-o-khutba Yeh sab phool hain in ka tu rang-o-bu hai

Tumhari salami namazon mein dakhil Tasawwur tera shart misl-e-wuzu hai

Never Be Without Your Favorite Lyrics - Get the App for Offline Access!

Tumhari ita'at Khuda ki ibadat Tera tazkira zikr-e-Haq hubahu hai

Dam-e-naz'a Salik ka sar ho tera dar Yehi dil ki hasrat yehi aarzu hai