Bashar Woh Hai Jis Ko

بشر وہ ہے جس کو تری جستجو ہے وہی لب ہے جس پر تری گفتگو ہے

تری یاد آبادیٔ خانۂ دل دِلوں کی تمنا تری آرزو ہے

اُسے ایک اللہ نے ایک بنایا وہ ہر وصف میں لَاشَرِیْکَ لَہٗ ہے

میں وہ سگ نہیں ہوں بہت دَر ہوں جس کے میں وہ سگ ہوں جس کا فقط ایک تو ہے

نماز و اَذاں کلمہ و ذِکر و خطبہ یہ سب پھول ہیں ان کا تو رَنگ و بو ہے

تمہاری سلامی نمازوں میں داخل تصور ترا شرط مثلِ وضو ہے

تمہاری اِطاعت خدا کی عبادت ترا تذکرہ ذِکرِ حق ہوبہو ہے

دَمِ نزع سالکؔ کا سر ہو ترا دَر یہی دِل کی حسرت یہی آرزو ہے