Bakht e Siyaah Jab

Bakht-e-siyah jab dar-e-aali pe rakh diya Suraj unhon ne dast-e-sawali pe rakh diya

Aankhein bikher aaya hoon rauze ke har taraf Lekin khayal rauze ki jaali pe rakh diya

Labrez kar gaya mujhe kaun apne pyaar se Yeh kis ne hont dil ki pyali pe rakh diya

Maange thay main ne aap se rehmat ke chand phool Sara chaman duaon ki daali pe rakh diya

Mujh ko bithaya janib-e-sahil ki naao par Baar-e-gunah doobne wali pe rakh diya

Likhne chala jo naat, toh mere huzoor ne Lafzon ka dher zehan ki thali pe rakh diya

Get Lyrics On-The-Go! Download Our App Now!

Aahang-e-nau mein naat-e-Muzaffar na kyun kahe Khilta shaoor khushk khayali pe rakh diya