Bakht e Siyaah Jab

بختِ سیاہ جب درِ عالی پہ رکھ دِیا سُورج اُنھوں نے دستِ سوالی پہ رکھ دیا

آنکھیں بکھیر آیا ہُوں روضے کے ہر طرف لیکن خیال روضے کی جالی پہ رکھ دِیا

لبریز کر گیا مجھے کون اپنے پیار سے یہ کِس نے ہونٹ دل کی پیالی پہ رکھ دِیا

مانگے تھے مَیں نے آپ سے رحمت کے چند پھُول سارا چمن دُعاؤں کی ڈالی پہ رکھ دِیا

مُجھ کو بٹھا یا جانبِ ساحل کی ناؤ پر بارِ گُناہ ڈُوبنے والی پہ رکھ دِیا

لِکھنے چلا جو نعت ، تو میرے حضور نے لفظوں کا ڈھیر ذہن کی تھالی پہ رکھ دِیا

No Internet? No Problem! Get the App for Offline Lyrics!

آہنگِ نَو میں نعتِ مظفّر نہ کیوں کہے کھِلتا شعور خُشک خیالی پہ رکھ دِیا