Aye The Saari Subhon Ke

Aaye thay saari subhon ke salaar khwab mein Rehta hoon uske baad se bedaar, khwab mein

Haazir hua tha zeher-e-gunah mein bujha hua Tiryaaq de gaye mere sarkar khwab mein

Sote mein bhi durood hai meri zabaan par Tasveer bhi hai aaina bardaar khwab mein

Download Lyrics & Access Offline - Install Our App Now!

Us ek raat ka bada ehsaan-mand hoon Darwaaze lekar aa gayi deewar khwab mein

Aankhon ki bheed lag gayi saare wujood par Dekha jo unko main ne lagaataar, khwab mein

Bedaariyon ke habs se peecha chura liya Ghar le liya hai ek hawa-daar khwab mein

Aati hain unki rehmaten mujhko khareedne Lagne laga hai ishq ka bazaar khwab mein

Kitna karam hai tujh pe Muzaffar, Huzoor ﷺ ka Tameer ho gaya tera kirdaar khwab mein