Aye Shafa e Umam

Ae Shafe-e-Umam Shah-e-Zee Jah le khabar Lillah le khabar meri lillah le khabar

Darya ka josh, naau na beera na nakhuda Main dooba, tu kahan hai mere Shah le khabar

Manzil kari hai raat andheri mein nabalad Ae Khizr le khabar meri ae mah le khabar

Pahunche pahunchne wale to manzil magar Shaha Un ki jo thak ke baithe sar-e-rah le khabar

Jangal darindon ka hai main be-yaar shab qareeb Ghere hain char samt se badkhwah le khabar

Manzil nayi aziz juda log nashinas Toota hai koh-e-gham mein par-e-kah le khabar

Stop Wasting Storage - Download Lyrics in Lightweight Text Format!

Woh sakhtiyan sawal ki woh sooratein muheeb Ae ghamzadon ke haal se aagah le khabar

Mujrim ko bargah-e-adalat mein laye hain Takta hai be-kasi mein teri rah le khabar

Ahl-e-amal ko un ke amal kaam aayenge Mera hai kaun tere siwa aah le khabar

Pur-khar rah, barahna pa, tishna-e-aab door Maula pari hai aafat-e-jankah le khabar

Baahar zabanen pyas se hain, aaftab garm Kausar ke Shah kath-tharahullahu le khabar

Mana ke sakht mujrim-o-nakara hai Raza Tera hi to hai banda-e-dargah le khabar