Aye Kash Tasavur Mein

Ae kaash! tasawwur mein Madine ki gali ho Aur yaad-e-Muhammad bhi mere dil mein basi ho

Do soz-e-Bilal Aaqa mile dard-e-Raza sa Sarkar ata ishq-e-Owais-e-Qarni ho

Ae kaash! main ban jaaun Madine ka musafir Phir roti hui Taiba ko baarat chali ho

Phir rahmat-e-Bari se chaloon su-e-Madinah Ae kaash! muqaddar se muyassar woh ghadi ho

Jab aaun Madine mein toh ho chaak gareeban Aankhon se barasti hui ashkon ki jhari ho

Ae kaash! Madine mein mujhe maut yun aaye Chaukhat pe teri sar ho meri ruh chali ho

Jab le ke chalo gor-e-ghareeban ko janazah Kuch khaak Madine ki mere munh pe saji ho

Jis waqt Nakirain meri qabr mein aayen Us waqt mere lab pe saji naat-e-Nabi ho

Allah! karam aisa kare tujh pe jahan mein Ae Dawat-e-Islami teri dhoom machi ho

Sadqa mere murshid ka karo door balayen Ho behtari us mein jo bhi arman-e-dili ho

Download Lyrics & Access Offline - Install Our App Now!

Allah ki rahmat se toh jannat hi milegi Ae kaash! mahalle mein jagah un ke mili ho

Mehfooz sada rakhna shaha! be-adabon se Aur mujh se bhi sarzad na kabhi be-adabi ho

Attar hamara hai sar-e-hashr ise kaash! Dast-e-Shah-e-Bat-ha se yahi chitthi mili ho