Aye Kash Ke Ajaye

Ae kaash ke aajaye Attar Madine mein Bulwa lo khudara! ab Sarkar Madine mein

Kab tak main phirun dar dar marne bhi do ab Sarwar! Dehleez pe sar rakh kar Sarkar Madine mein

Rauze ke qareeb aakar gir jaaun main ghash khakar Hojaye tumhara phir deedar Madine mein

Roti hui aankhon se betab nigahon se Ho Gumbad-e-Khizra ka deedar Madine mein

Duniya ke ghamon ki tum lillah dawa dedo Bulwa ke gham apna do Sarkar Madine mein

Mil jaye shifa isko darbar-e-Muhammad se Aajaye jo koi bhi beemar Madine mein

Ho "Dawat-e-Islami" ki dhoom machi har su Tarkeeb ho markaz ki Sarkar Madine mein

Thehro ge shafa'at ke haqdar yaqeenan tum Aajaao gunahgaro! ik baar Madine mein

Ikhlas ata kardo aur khulq bhala kar do! Bulwa ke Shahenshah-e-Abrar Madine mein

Beja na hansi aaye sanjeeda bana dije Bulwa ke Shahenshah-e-Abrar Madine mein

Allah ki ulfat do aur apni mohabbat do Bulwa ke Shahenshah-e-Abrar Madine mein

Betab jigar dedo aur aankh bhi tar dedo Bulwa ke Shahenshah-e-Abrar Madine mein

Isyan ki dawa dedo Sarkar shifa dedo Bulwa ke Shahenshah-e-Abrar Madine mein

Download Lyrics & Access Offline - Install Our App Now!

Is nafs-e-sitamgar ko qabu mein mere kardo! Bulwa ke Shahenshah-e-Abrar Madine mein

Duniya ki mohabbat se dil paak mira kar do Bulwa ke Shahenshah-e-Abrar Madine mein

Rona bhi sikha do aur sikhla do tarapna bhi Bulwa ke Shahenshah-e-Abrar Madine mein

Aankhon mein samajaao seene mein utar aao Bulwa ke Shahenshah-e-Abrar Madine mein

Jalwon se dil-e-viran aabad karo jaana Bulwa ke Shahenshah-e-Abrar Madine mein

Sag apna mujhe keh do qadmon mein mujhe rakh lo Bulwa ke Shahenshah-e-Abrar Madine mein

Qadmon se lagalo tum deewana banalo tum Bulwa ke Shahenshah-e-Abrar Madine mein

Qismat meri chamka do turbat miri banwa do Bulwa ke Shahenshah-e-Abrar Madine mein

Ramzan ki baharein hon Taiba ki fazaein hon Aur jhoomta phirta ho Attar Madine mein