Ayat Ayat Mein Payambar Bolay

Aayat aayat mein payambar bole Aur phir rooh ke andar bole

Kis qayamat ka woh insaan hoga Jis ki taa'id mein patthar bole

Aap sartapa Khuda ki aawaz Lab hon khamosh to paikar bole

Pyaas jab husn-e-sam'aat ban jaaye Un ke hathon mein samundar bole

Mere andar ka Bilal-e-Habshi Masjid-e-ishq pe chadh kar bole

Hosh mein karta hoon aisi baatein Jaise masti mein qalandar bole

Dekhta hoon jo Muhammad ﷺ ki taraf Kabhi aankhein kabhi manzar bole

No Internet? No Problem! Get the App for Offline Lyrics!

Un ke qadmon pe rahe sar mera Un ke lehje mein muqaddar bole

Hashr ka din hai ke yaum-e-aawaz Mera har uzw Muzaffar bole