Ayat Ayat Mein Payambar Bolay

آیت آیت میں پیمبر بولے اور پھر روح کے اندر بولے

کس قیامت کا وہ انساں ہوگا جس کی تائید میں پتھر بولے

آپ سرتاپا خدا کی آواز لب ہوں خاموش تو پیکر بولے

پیاس جب حسنِ سماعت بن جائے ان کے ہاتھوں میں سمندر بولے

میرے اندر کا بلال حبشی مسجدِ عشق پہ چڑھ کر بولے

More Lyrics, Less Storage - Install the App and Ditch the Screenshots!

ہوش میں کرتا ہوں ایسی باتیں جیسے مستی میں قلندر بولے

دیکھتا ہوں جو محمدؐ کی طرف کبھی آنکھیں کبھی منظر بولے

اُن کے قدموں پہ رہے سر میرا اُن کے لہجے میں مقدرّ بولے

حشر کا دن ہے کہ یوم آواز میرا ہر عضو مظفر بولے