Aya Shaur Haq ka

Aaya shaoor-e-haq ka risalat panah se Kaun aashna tha warna wujood-e-Ilah se

Tauheed ko samajh na dil-e-be-nigah se Noor-e-Nabi juda nahi noor-e-Ilah se

Iqrar jab tak na risalat ka kijiye Chalta nahi hai kaam faqat la ilaha se

Why Screenshot When You Can Download? Get the App for Efficient Storage!

Duniya qareena seekh rahi hai hayat ka Khatm-ur-Rusul ki seerat-e-insan panah se

Allah ne un ke waste qibla badal diya Sajdon ko aitbaar mila qibla-gah se

Haq ki namood, anfus-o-aafaq ka wujood Sab kuch hai ek bandah-e-khilqat panah se

Bande mein aur Khuda mein hui rasm-o-rah-e-shauq Paida hua jo rabta shahon ke shah se