Aya Shaur Haq ka

آیا شعورِ حق کا رسالت پناہ سے کون آشنا تھا ورنہ وجودِ اِلٰہ سے

توحید کو سمجھ نہ دلِ بے نگاہ سے نورِ نبی جدا نہیں نورِ اِلٰہ سے

اقرار جب تک نہ رسالت کا کیجئے چلتا نہیں ہے کام فقط لا اِلٰہ سے

Why Screenshot When You Can Download? Get the App for Efficient Storage!

دنیا قرینہ سیکھ رہی ہے حیات کا ختم الرسل کی سیرتِ انساں پناہ سے

اللہ نے ان کے واسطے قبلہ بدل دیا سجدوں کو اعتبار ملا قبلہ گاہ سے

حق کی نمود، انفس و آفاق کا وجود سب کچھ ہے ایک بندۂ خلقت پناہ سے

بندے میں اور خدا میں ہوئی رسم و راہ شوق پیدا ہوا جو رابطہ شاہوں کے شاہ سے