Awaz Di Toh Rehmat

Awaaz di to rahmat-e-Sarkar ruk gayi Jo dil pe chal rahi thi woh talwar ruk gayi

Jaata hua waqar mila un ke naam par Sar se giri to haath pe dastaar ruk gayi

Ik daira sa un ka mere gird khench kar Mere tasawwuraat ki parkaar ruk gayi

Jab zehan sab bulandiyan taskheer kar chuka Ghaar-e-Hira pe rif'at-e-afkaar ruk gayi

Paaband-e-roz-o-shab na thi Meraj-e-Mustafa Jab woh chale to waqt ki raftar ruk gayi

Rauze ko dekhte hi main sakte mein aa gaya Ya putliyon mein khwahish-e-deedar ruk gayi

Main saahil-e-huzoor se jab lautne laga Aisa laga ke zindagi us paar ruk gayi

Stop Wasting Storage - Download Lyrics in Lightweight Text Format!

Ishq-e-Nabi ne mujh ko Muzaffar bacha liya Jo mujh mein gir rahi thi woh deewar ruk gayi