Awaz Di Toh Rehmat

آواز دی تو رحمتِ سرکار رک گئی جو دِل پہ چل رہی تھی وہ تلوار رُک گئی

جاتا ہُوا وقار مِلا اُن کے نام پر سر سے گری تو ہاتھ پہ دستار رُک گئی

اِک دائرہ سا اُن کا مرے گرد کھینچ کر میرے تصوّرات کی پرکار رُک گئی

جب ذہن سب بلندیاں تسخیر کر چُکا غارِ حِرا پہ رفعتِ افکارِ رُک گئی

Download Lyrics & Access Offline - Install Our App Now!

پابندِ روز و شب نہ تھی معراجِ مصطفےٰ جب وہ چلے تو وقت کی رفتار رُک گئی

روضے کو دیکھتے ہی میں سکتے میں آگیا یا پُتلیوں میں خواہش دیدار رُک گئی

مَیں ساحلِ حضور سے جب لَوٹنے لگا ایسا لگا کہ زندگی اُس پار رُک گئی

عشقِ نبی نے مُجھ کو مظفّؔر بچا لِیا جو مُجھ میں گِر رہی تھی وُہ دیوار رُک گئی