Awaisiyon Mein Beth Ja

Owaisiyon mein baith ja, Balaliyon mein baith ja Talab hai kuch toh be-talab sawaliyon mein baith ja

Yeh marifat ke raaste hain ahl-e-dil ke waaste Junaidiyon se ja ke mil, Ghazaliyon mein baith ja

Sahabiyon se phool, Tabi'een se charagh le Huzoor ﷺ chaahiye toh un mawaliyon mein baith ja

Durood parh, namaz parh, ibadaton ke raaz parh Saffein toh sab bichhi hain, ishq waliyon mein baith ja

Har ek saans par jo un ko dekhne ka shauq hai Toh aankh ban kar un ke dar ki jaaliyon mein baith ja

Your Lyrics, Even Offline - Install the App for Free!

Agar hain khalwatein azeez toh hujoom mein nikal Agar sukoon chahiye, dhamaliyon mein baith ja

Jo chahta hai gulistan-e-Mustafa ﷺ ki naukri Toh booye Mustafa ﷺ pehan ke maliyon mein baith ja

Muzaffar aap tak rasai itni sahl toh nahin Tawajjuh chahiye toh yarghaliyon mein baith ja