Apne Mehboob Ke Ishq Mein

Apne mehboob ke, ishq mein doob ke, main kamalat-e-idrak dekha karoon Is jahan se safar, kar gaye woh magar, un ko zinda tah-e-khak dekha karoon

Your Lyrics, Even Offline - Install the App for Free!

Naqsh-e-kounain mein rang unhon ne bhare, un ka saya faseel-e-adam se pare Un ki aahat ke darya mein behte hue, waqt ke barg-o-khashak dekha karoon

Un ki meraj insaan ki meraj thi, un ke mathe ki har ik shikan taaj thi, Un ki dehleez par, rakh diya jis ne sar, us ke qadmon mein aflak dekha karoon

Zehn jab un ki yaadein parone lage, aansuon mein tasawwur bhigone lage Rooh mein ik charaghaan sa hone lage, tan pe khushbu ki poshak dekha karoon

Aisa aaina hoon ishq-e-Sarkar ka, is taraf jis mein manzar hai us paar ka Dekhna chahoon jab, aks-e-Shah-e-Arab, apne hi zakhm ke chaak dekha karoon

Fikr-e-bakhshish nahi hai Muzaffar mujhe, bakhash de ga Khuda roz-e-mahshar mujhe Bas yeh dhoonda hai hal, main ghareeb-e-amal, su-e-Sultan-e-Laulak dekha karoon