Apne Dar Pe Jo Bhulao

Apne dar pe jo bulao to bohat achha ho Meri bigdi jo banao to bohat achha ho

No Internet? No Problem! Get the App for Offline Lyrics!

Qaid-e-shaitan se churao to bohat achha ho Mujh ko apna jo banao to bohat achha ho

Gardish-e-daur ne pamal kiya mujh ko Huzoor Apne qadmon mein sulao to bohat achha ho

Yun to kehlata hoon banda main tumhara lekin Apna keh ke jo bulao to bohat achha ho

Gham-e-paiham se yeh basti meri veeran hui Dil mein ab khud ko basao to bohat achha ho

Kaif us baadah-e-gulnaar se milta hi nahi Apni aankhon se pilao to bohat achha ho

Tum to murdon ko jila dete ho mere Aaqa Mere dil ko bhi jilao to bohat achha ho

Jis ne sharminda kiya mehr o mah o anjum ko Ek jhalak phir woh dikhao to bohat achha ho

Ro chuka yun to main auron ke liye khoob magar Apni ulfat mein rulao to bohat achha ho

Yun na Akhtar ko phirao mere Maula dar dar Apni chaukhat pe bithao to bohat achha ho