Ambiya Ko Bhi Ajal Ani Hai

Anbiya ko bhi ajal aani hai Magar aisi ke faqat aani hai

Free Up Space - Get Lyrics Without Bulky Screenshots!

Phir usi aan ke baad un ki hayaat Misl-e-sabiq wahi jismani hai

Rooh toh sab ki hai zinda un ka Jism-e-purnoor bhi roohani hai

Aurton ki rooh ho kitni hi lateef Un ke ajnaam ki kab saani hai

Paaon jis khaak pe rakh dein woh bhi Rooh hai paak hai noorani hai

Us ki azwaaj ko jaaiz hai nikaah Us ka tarkah bate jo faani hai

Yeh hain hayy-e-abadi un ko Raza Sidq-e-waada ki qaza maani hai