Ambiya Ko Bhi Ajal Ani Hai

اَنبیا کو بھی اَجل آنی ہے مگر ایسی کہ فقط آنی ہے

پھر اُسی آن کے بعد اُن کی حیات مثلِ سابق وہی جسمانی ہے

روح تو سب کی ہے زندہ ان کا جسمِ پُرنور بھی روحانی ہے

No More Screenshots! Save Storage with Our Lyrics App!

اوروں کی روح ہو کتنی ہی لطیف اُن کے اَجسام کی کب ثانی ہے

پاؤں جس خاک پہ رکھ دیں وہ بھی روح ہے پاک ہے نورانی ہے

اُس کی اَزواج کو جائز ہے نکاح اُس کا ترکہ بٹے جو فانی ہے

یہ ہیں حَیِّ اَبدی ان کو رضاؔ صدقِ وعدہ کی قضا مانی ہے