Alvida Aye Sabz Gumbad

Alvida aye sabz gumbad ke makeen Al-firaq aye Rahmatul-lil-Aalameen

Alvida aye mazhar-e-zaat-e-Khuda Al-firaq aye khalq ke mushkil-kusha

Alvida aye shehr-e-pak-e-Mustafa Al-firaq aye mahbit-e-wahy-e-Khuda

Ja raha hai ab hamara qafila Aye dar-o-deewar-e-shehr-e-Mustafa

Yaad teri jis ghari bhi aayegi Hai yaqeen dil ko bohot tarpayegi

Aye dilon ke chain aye pyare Nabi Lo ghulamon ka salam-e-aakhiri

Door se aaye thay pardesi ghulam Arz karne ko ghulamana salam

Aastana se wida hote hain ab Yeh to farmao ke bulwaoge kab

Chashm-e-rahmat se na tum karna juda Rakhna apne saye mein hum ko sada

Aye Madinah walo tum sab khush raho Daman-e-Mehboob mein phoolo phalo

Arz itni hai magar aye dosto Yaad hum ko bhi kabhi kar lijiyo

Aakhiri deedar hai aye zairo Khoob jee bhar kar yeh gumbad dekh lo

Kya khabar hai khoob dil mein soch lo Phir muqaddar mein ho aana ya na ho

Instant Access to Thousands of Lyrics - Tap to Install!

Yeh koi dam mein chupa jata hai ab Faasla koson hua jata hai ab

Phir kahan tum aur kahan yeh dosto Deed aakhir ko ghaneemat jaan lo

Hai dua Salik ki aye bar-e-Khuda Zindagi mein phir Madinah de dikha