Allah Allah Ke Nabi Se

Allah Allah ke Nabi se Faryaad hai nafs ki badi se

Din bhar khelon mein khaak urai Laaj aayi na zarron ki hansi se

Shab bhar sone hi se gharz thi Taaron ne hazaar daant peese

Imaan pe maut behtar o nafs Teri naapaak zindagi se

O shahd numaye zehar dar jaam Gum jaaun kidhar teri badi se

Gehre pyaare puraane dil soz Guzra main teri dosti se

Tujh se jo uthaye main ne sadme Aise na mile kabhi kisi se

No Internet? No Problem! Get the App for Offline Lyrics!

Uff re khudkaam be-murawwat Parta hai kaam aadmi se

Tu ne hi kiya Khuda se naadim Tu ne hi kiya khajal Nabi se

Kaise Aaqa ka hukum taala Hum mar mite teri khud-sari se

Aati na thi jab badi bhi tujh ko Hum jaante hain tujhe jabhi se

Had ke zaalim sitam ke kattar Patthar sharmayein tere ji se

Hum khaak mein mil chuke hain kab ke Nikla na ghubaar tere ji se

Hai zaalim! main nibahun tujh se Allah bachaye us ghari se

Jo tum ko na jaanta ho Hazrat Chaalein chaliye us ajnabi se

Allah ke saamne woh gun the Yaaron mein kaise muttaqi se

Rehzan ne loot li kamai Faryaad hai Khizr Hashmi se

Allah kunwein mein khud gira hun Apni naalish karun tujhi se

Hain pusht-e-panaah Ghous-e-Aazam Kyon darte ho tum Raza kisi se