Aik Jazbay Ke Naam

Ek jazbay ke naam ek maqsad ke naam Zindagi hum ne kardi Muhammad ﷺ ke naam

Zarray zarray ke tan par hara rang hai Saari haryaliyan sabz gumbad ke naam

Un se aabad konain ke silsilay Farsh bhi arsh bhi un ke masnad ke naam

Kaali kamli se mansoob raatain meri Meri subhain bhi subhon ke murshid ke naam

Ulama bhi payambar sifat aap ke Saari sardariyan mere Syed ke naam

Unki aahat, takhallus hai tehzeeb ka Puri insaniyat un ki aamad ke naam

Apne hotay huay mere Allah ne Kardiya apna sab kuch Muhammad ﷺ ke naam

Ilm jitnay bhi hain un ke shagird hain Aql jitni bhi hai un ki abjad ke naam

Download Lyrics & Access Offline - Install Our App Now!

Yeh Muzaffar duroodon bhara dil mera Ba-Yazeed-o-Ghazali-o-Sarmad ke naam