Aik Jazbay Ke Naam

ایک جذبے کے نام ایک مقصد کے نام زندگی ہم نے کردی محمدؐ کے نام

ذرے ذرے کے تن پر ہرا رنگ ہے ساری ہر یالیاں سبز گنبد کے نام

ان سے آباد کونین کے سلسلے فرش بھی عرش بھی ان کے مسند کے نام

Find Your Favorite Lyrics Anytime, Anywhere - Install the App Today!

کالی کملی سے منسوب راتیں مری میری صبحیں بھی صبحوں کے مرشد کے نام

علماء بھی پیمبر صفت آپ کے ساری سرداریاں میرے سید کے نام

انکی آہٹ ، تخلص ہے تہذیب کا پوری انسانیت ان کی آمد کے نام

اپنے ہوتے ہوئے میرے اللہ نے کردیا اپنا سب کچھ محمدؐ کے نام

علم جتنے بھی ہیں ان کے شاگرد ہیں عقل جتنی بھی ہے ان کی ابجد کے نام

یہ مظفر درودوں بھرا دل مرا با یزید و غزالی و سرمد کے نام