Aik Hai Naam Ko Aizaz

Ek benaam ko aizaz-e-nasab mil jaaye Kaash maddah-e-Payamber ka laqab mil jaaye

Offline Lyrics Anytime, Anywhere - Download the App Today!

Meri pehchan kisi aur hawaley se na ho Iqtidaar-e-dar-e-Sultan-e-Arab mil jaaye

Aadmi ko wahan kya kuch nahi milta hoga Sangrezon ko jahan jumbish-e-lab mil jaaye

Kis zaban se main teri ek jhalak bhi mangoon Talab-e-husn to hai husn-e-talab mil jaaye

Ab to ghar mein bhi musafir ki tarah rehta hoon Kya khabar izn-e-huzoori mujhe kab mil jaaye

Ek pal ko bhi jo ho jaaye tawajjo teri Umr bhar ke liye milne ka sabab mil jaaye

Rabta tujh se rahe par woh tareeki mein Deeda-e-shauq ko bedari-e-shab mil jaaye

Tu agar chaap ghulami ki lagade mujh par Mujh gunahgar ko parwah na Rab mil jaaye

De na qiston mein Muzaffar ko mohabbat apni Jis qadar us ke muqaddar mein hai sab mil jaaye