Aik Deen Ik Khuda

Ek deen ek Khuda Sab ke raste juda Rok yeh qaafile Le kar ummat chale Parcham-e-Yathrabi Ya Nabi Ya Nabi

Chheen le yeh aqeedon ki beronaqi Niyyaton mein riya suratein muttaqi Khaaye dhoka nazar Haq se baaghi hain sar Pagriyan mazhabi Ya Nabi Ya Nabi

Khair ki bheek Khair-ul-Bashar chahiye Zarf qatra hai darya magar chahiye Khushk hain jism-o-jaan Chaatti hai zubaan Zakhm-e-tishna labi Ya Nabi Ya Nabi

Tere kehlaaye gairon ki bai'at karein Rehnuma saazishon ki qayadat karein Har taraf waswase Roshni ko dase Maar-e-teera shabi Ya Nabi Ya Nabi

Why Screenshot When You Can Download? Get the App for Efficient Storage!

Khwahishein hain panapne ki parwaan ki Jar musalman kaate musalman ki Zarf be-hiss na hon Zehan muflis na hon Hum na thehrein ghabi Ya Nabi Ya Nabi

Apni raahon pe chalne ki taufiq de Phir is ummat ko Farooq-o-Siddiq de Husn-e-kirdar ki Lau tere pyaar ki Hai dilon mein dabi Ya Nabi Ya Nabi