Aik Deen Ik Khuda

ایک دِیں اِک خُدا سب کے رستے جُدا روک یہ قافلے لے کر اُمّت چلے پرچمِ یَثربی یانبی یا نبی

چِھین لے یہ عقیدوں کی بے رونقی نیّتوں میں ریا صُورتیں مُتّقی کھائے دھوکا نظر حق سے باغی ہیں سَر پگڑیاں مذہبی یا نبی یا نبی

خَیر کی بِھیک خَیرُالبَشَرْ چاہیے ظرف قطرہ ہے دریا مگر چاہیے خُشک ہیں جِسم و جاں چاٹتی ہے زباں زخمِ تشنہ لَبی یا نبی یانبی

تیرے کہلائیں غیروں کی بَیعت کریں رہنما سازشوں کی قیادت کریں ہر طرف وسوسے روشنی کو ڈسے مارِ تِیرہ شَبی یا نبی یا نبی

خواہشیں ہیں پنپنے کی پروان کی جڑ مُسلمان کاٹے مُسلمان کی ظرف بے حِس نہ ہوں ذہن مُفلس نہ ہوں ہم نہ ٹھہریں غبی یا نبی یا نبی

No Internet? No Problem! Get the App for Offline Lyrics!

اپنی راہوں پہ چلنے کی توفیق دے پھر اس اُمّت کو فارُوق و صِدّیق دے حُسنِ کردار کی لَو تِرے پیار کی ہے دِلوں میں دَبی یا نبی یا نبی