Ahmed Hain Muhammad Hain

Ahmad ﷺ hain Muhammad ﷺ hain Yaseen hain Taha hain Mad’u-e-zamanah hain da'i-e-ilallah hain

Awsaf-e-mureed un ke, nazdeek-o-ba'eed un ke Gehrai hain rif'at hain wus'at hain ihata hain

Jo un se ho wabasta woh gul se ho guldasta Maktab hain mu'allim hain hikmat hain saheefa hain

No More Screenshots! Save Storage with Our Lyrics App!

Hairan hoon sun sun ke, hain kitne hi rukh un ke Suraj hain sitara hain darya hain kinara hain

Safhat-e-do alam bhi un ke liye na-kafi Tafseer hain imaan ki Quran ka khulasa hain

Nabiyon ki imamat ki, sadiyon ki nizamat ki Woh Sahib-e-Isra hain woh hatif-e-Sidrah hain

Aqa ﷺ ka safar-namah, dil-namah, nazar-namah Tarikh-e-mohabbat hain akhlaq ka shajra hain

Har ahd ki sachai, ja kar unhein le aayi Ehsan ka adalat ka azmat ka asasa hain

Paighambar-e-Rahmat ka, wada hai shafa'at ka Mahshar mein Muzaffar ki bakhshish ka waseela hain