Ah Ramzan Ab Ja Raha Hai

Aah! Ramzan ab ja raha hai Haaye tarpa ke Ramzan chala hai

Your Lyrics, Even Offline - Install the App for Free!

Tukray tukray mera dil hua hai Haaye tarpa ke Ramzan chala hai

Dekh kar chand main ro para tha Saamne hijr ka gham khara tha

Jald rukhsat ka waqt aa gaya hai Haaye tarpa ke Ramzan chala hai

Ashk aankhon se ab beh rahe hain Hijr ka gham jo hum seh rahe hain

Woh dil-e-ghamzada jaanta hai Haaye tarpa ke Ramzan chala hai

Gham-e-judai ka kaise sahoon ga Kis se gham ka fasana kahoon ga

Aankh pur-nam hai dil ro raha hai Haaye tarpa ke Ramzan chala hai

Jaan fida tujh pe Nana-e-Hasnain Qalb hai ghamzada aur be-chain

Dil pe sadma barha ja raha hai Haaye tarpa ke Ramzan chala hai

Kar ke taqseem bakhshish ki asnaad Aah! ranjeeda dil kar ke tu shaad

Sab ko rota hua chhor ta hai Haaye tarpa ke Ramzan chala hai

Tu yeh karna Khuda se sifarish Is gunahgar ki kar de bakhshish

Tujh se Attar ki iltija hai Haaye tarpa ke Ramzan chala hai