Ah Madni Qafla

Aah! Madani qafilah ab ja raha hai laut kar Koi dil thaame khada hai koi hai ba-chashm-e-tar

Sunnaton ki tarbiyat ke qafilon ke qadr-daan Jab palat-te hain gharon ko rote hain woh phoot kar

Kis qadar khush thay nikal kar chal diye thay ghar se jab Ab udasi chha rahi hai haaye! apne qalb par

Fikr thi ghar ki na koi fikr-e-karobar ki Lutf khoob aata tha hum ko masjidon mein baith kar

Jaate hi dunya ke jhagde phir gale pad jayenge Kya karen lachar hain qaboo nahin halaat par

Ba-jamaat sab namazein aur tahajjud ke maze Itni aasani se phir mil jayenge kya ja ke ghar

Ya Khuda! nikloon main madani qafilon ke sath kaash Sunnaton ki tarbiyat ke waste phir jald tar

Haaye! sara waqt mera ghaflaton mein kat gaya Aah! kab hoga muyassar phir mubarak yeh safar

More Lyrics, Less Storage - Install the App and Ditch the Screenshots!

Madani mahol aur madani qafile walon ki kuch Bhi na ki hai qadr haaye! hoon main nadaan kis qadar

Masjidon ka kuch adab haaye! na mujh se ho saka Az tufail-e-Mustafa farma Ilahi darguzar

Aah! Shaitan har ghadi har waqt ghalib hi raha Aadat-e-isyan ne rakh di tod kar haaye! kamar

Khoob khidmat sunnaton ki hum sada karte rahein Madani mahol aye Khuda hum se na chhoote umar bhar

Is ilaqe wale saare bhaiyon ka shukriya Saath jo dete rahe hain qafile ka sar-ba-sar

Sunnaton ki tarbiyat ke waste nikla tha main Haaye! par sota raha ghaflat ki chadar taan kar

Ya RasoolAllah apne dar pe ab bulwaiye Ho naseeb Aqa humein meethay Madinay ka safar

Hai dua Attar ki is ki ho hatmi maghfirat Qafilon mein umar bhar karta rahe jo bhi safar