Ah Ab Waqt e Rukhsat

Aah ab waqt-e-rukhsat hai aaya Alwida aah Shah-e-Madinah

Sadma-e-hijr kaise sahoon ga Alwida aah Shah-e-Madinah

Be-qarari barhi ja rahi hai Hijr ki ab ghari aa rahi hai

No More Screenshots! Save Storage with Our Lyrics App!

Dil hua jaata hai paara paara Alwida aah Shah-e-Madinah

Kis tarah shauq se main chala tha Dil ka ghuncha khushi se khila tha

Aah ab chhoot-ta hai Madinah Alwida aah Shah-e-Madinah

Ku-e-jaanaan ki rangeen fazaao Ae mu'attar mu'anbar hawaao

Lo salaam aakhiri ab hamara Alwida aah Shah-e-Madinah

Kaash! qismat mira saath deti Maut bhi yawari meri karti

Jaan qadmon pe qurban karta Alwida aah Shah-e-Madinah

Soz-e-ulfat se jalta rahoon main Ishq mein tere ghulta rahoon main

Chaahe deewana samjhe zamaana Alwida aah Shah-e-Madinah

Main jahaan bhi rahoon mere Aaqa Ho nazar mein Madine ka jalwa

Iltija meri maqbool farma Alwida aah Shah-e-Madinah

Kuch na husn-e-amal kar saka hoon Nazr chand ashk mein kar raha hoon

Bas yehi hai mira kul asasa Alwida aah Shah-e-Madinah

Aankh se ab hua khoon jaari Rooh par bhi hua ranj taari

Jald Attar ko phir bulaana Alwida aah Shah-e-Madinah