Ah Ab Waqt e Rukhsat

آہ اب وقتِ رخصت ہے آیا الوداع آہ شاہِ مدینہ

صدمۂ ہِجر کیسے سہوں گا الوداع آہ شاہِ مدینہ

بے قراری بڑھی جا رہی ہے ہِجر کی اب گھڑی آ رہی ہے

دل ہوا جاتا ہے پارہ پارہ الوداع آہ شاہِ مدینہ

کس طرح شوق سے میں چلا تھا دل کا غُنچہ خوشی سے کِھلا تھا

آہ اب چُھوٹتا ہے مدینہ الوداع آہ شاہِ مدینہ

کُوئے جاناں کی رنگیں فَضاؤ اے معطَّر مُعَنبر ہواؤ

لو سلام آخِری اب ہمارا الوداع آہ شاہِ مدینہ

کاش! قسمت مِرا ساتھ دیتی موت بھی یاوَری میری کرتی

Never Be Without Your Favorite Lyrics - Get the App for Offline Access!

جان قدموں پہ قربان کرتا الوداع آہ شاہِ مدینہ

سوزِ الفت سے جلتا رہوں میں عشق میں تیرے گُھلتا رہوں میں

چاہے دیوانہ سمجھے زمانہ الوداع آہ شاہِ مدینہ

میں جہاں بھی رہوں میرے آقا ہو نظر میں مدینے کا جلوہ

التجا میری مقبول فرما الوداع آہ شاہِ مدینہ

کچھ نہ حُسنِ عمل کر سکا ہوں نَذر چند اشک میں کر رہا ہوں

بس یِہی ہے مِرا کُل اَثاثہ الوداع آہ شاہِ مدینہ

آنکھ سے اب ہوا خون جاری روح پر بھی ہوا رنج طاری

جلد عطارؔ کو پھر بلانا الوداع آہ شاہِ مدینہ