Agarcha Zikr Khuda

Agarcheh zikr-e-Khuda subh-o-shaam karta hoon Magar hayaat, Muhammad ﷺ ke naam karta hoon

Durood bhejta hoon main hazaar baar un par Jo ek baar sujood qiyaam karta hoon

Woh arsh-e-Mustafavi se jhalak dikhate hain Main Toor-e-zaat pe un se kalaam karta hoon

Wahin se mujh pe karam un ka hone lagta hai Talab ka apni jahan ikhtitaam karta hoon

Instant Access to Thousands of Lyrics - Tap to Install!

Zaban-e-qalb pe jaari durood rehta hai Koi bhi kaam karoon yeh bhi kaam karta hoon

Mahaaz-e-nafs pe sunnat ki sarbarahi mein Qasam Khuda ki, bada qatl-e-aam karta hoon

Khuda ke baad bada hai koi toh bas woh hain Main un ka sab se siwa ehtram karta hoon

Barah-e-raast Muzaffar huzoor sunte hain Main halq se nahin dil se salaam karta hoon