Ab Karam Ya Mustafa

Ab karam Ya Mustafa farmaiye Izn-e-Taibah ka ata farmaiye

Ya Habib-e-Kibriya hajj ka sharaf Ab ata ik martaba farmaiye

Haziri ki ab sa’adat paaun main Kuch karam aisa shaha farmaiye

More Lyrics, Less Storage - Install the App and Ditch the Screenshots!

Khwab mein aakar ke kuch shereen kalam Meethe meethe Mustafa farmaiye

Jin pe sadqe jaayein sab jannat ke phool Un labon ko ab to wa farmaiye

Ya RasoolAllah meri maghfirat Ho Khuda se yeh dua farmaiye

Istaqamat deen par hum ko ata Az-pay-e-Ghaus-o-Raza farmaiye

Kab talak tadpein aseeran-e-qafas Qaid-e-gham se ab riha farmaiye

Aap ki ulfat mein ho rona naseeb Mujh ko chashm-e-nam ata farmaiye

Door pyare Mustafa ranj-o-bala Az-tufail-e-Murtaza farmaiye

Aap ke qadmon mein ho jaaun shaheed Kuch sabab aisa shaha farmaiye

Mujh ko lillah ik jhalakta saqiya Jaam-e-Kauthar ka ata farmaiye

Apne aasi ki shafa’at hashr mein Shafi-e-roz-e-jaza farmaiye

Madani burqa pehnein sab behnein, karam Fatimah ka wasta farmaiye

Maah-e-milad aa gaya ghar ghar par ab Nasb parcham sab hara farmaiye

Eid-e-MiladunNabi phir aa gayi Shukr ka sajda ada farmaiye

Eid aayi eid, eidon ki bhi eid Uthiye saamaan-e-jashn ka farmaiye

Jhoom kar saare khushi se baar baar Marhaba Ya Mustafa farmaiye

Ya RasoolAllah kahiye zor se Shaq-e-jigar Iblees ka farmaiye

Gumbad-e-Khizra ke jalwe hon naseeb Yeh karam Ya Mustafa farmaiye

Deejiye dard-e-Madinah deejiye Yeh karam Ya Mustafa farmaiye

Mera seena ho Madinah Ya Nabi Yeh karam Ya Mustafa farmaiye

Deejiye soz-e-Raza soz-e-Ziya Yeh karam Ya Mustafa farmaiye

Ne’amat-e-akhlaq kar deeje ata Yeh karam Ya Mustafa farmaiye

Gheebat-o-chughli ki aafat se bachein Yeh karam Ya Mustafa farmaiye

Hum riyakari se bachte hi rahein Yeh karam Ya Mustafa farmaiye

Nafs-o-shaitan ki shararat door ho Yeh karam Ya Mustafa farmaiye

Dam labon par aa gaya Attar ka Ab qadam ranja shaha! farmaiye