Aap Ki Nisbat Aye Nana e Hussain

Aap ki nisbat ae Nana-e-Husain Hai badi daulat ae Nana-e-Husain

Door kar furqat ae Nana-e-Husain Apni de qurbat ae Nana-e-Husain

Mar ke bhi nikle na mere qalb se Aap ki ulfat ae Nana-e-Husain

Ghar chhute ya sar kate par gum na ho Deen ki daulat ae Nana-e-Husain

Hoon gunahon ka mareez-e-daaimi Door ho shamat ae Nana-e-Husain

Wasta Ghous-o-Raza ka door ho Har buri khaslat ae Nana-e-Husain

Gham tumhara chain lene hi na de De do yeh rahat ae Nana-e-Husain

Ab Madine mein bula kar door kar Yeh gham-e-furqat ae Nana-e-Husain

Sabz gumbad ki baharein dekh loon Aaye woh sa'at ae Nana-e-Husain

Never Be Without Your Favorite Lyrics - Get the App for Offline Access!

Maut sar par aa gayi kar do ata Deed ka sharbat ae Nana-e-Husain

Apne jalwon se ata farmaiye Naz' mein rahat ae Nana-e-Husain

Do Baqi-e-Pak mein do gaz zameen Tum paye turbat ae Nana-e-Husain

Az tufail-e-Ghous-e-Aazam door ho Qabr ki wahshat ae Nana-e-Husain

Naar-e-dozakh se bacha kar Ya Nabi Deejiye jannat ae Nana-e-Husain

Hazrat-e-Shabbir-o-Shabbar ke tufail Taal do aafat ae Nana-e-Husain

Aal se as-haab se qaim rahe Ta-abad nisbat ae Nana-e-Husain

Peer-o-murshid par mere maan baap par Ho sada rehmat ae Nana-e-Husain

Har taraf neki ki dawat aam ho Neek ho ummat ae Nana-e-Husain

Sunnaton ki har taraf aaye bahaar Neek ho ummat ae Nana-e-Husain

Khoob Madani qafilon ki dhoom ho Neek ho ummat ae Nana-e-Husain

Madani inamaat ki ho rail pel Neek ho ummat ae Nana-e-Husain

Nekiyon mein dil lage har dam bana Aamil-e-sunnat ae Nana-e-Husain

Main gunahon se sada bachta rahoon Kijiye rehmat ae Nana-e-Husain

Jhoot se bughz-o-hasad se hum bachein Kijiye rehmat ae Nana-e-Husain

Badgumani, badnigahi se bachein Kijiye rehmat ae Nana-e-Husain

Deejiye qufl-e-Madinah deejiye Kijiye rehmat ae Nana-e-Husain

Daulat-e-ikhlaas hum ko deejiye Kijiye rehmat ae Nana-e-Husain

Kijiye hajj ka sharaf mujh ko ata Kijiye rehmat ae Nana-e-Husain

Phir tawaf-e-khanah-e-Ka'bah karoon Kijiye rehmat ae Nana-e-Husain

Main Madine ka musafir ab banoon Kijiye rehmat ae Nana-e-Husain

Chal Madina ki bisharat deejiye Kijiye rehmat ae Nana-e-Husain

Apna gham aur chashm-e-nam de deejiye Kijiye rehmat ae Nana-e-Husain

Ishq mein aahein bharoon, rota rahoon Kijiye rehmat ae Nana-e-Husain

Ya Rasool Allahi unzur haalana Kijiye rehmat ae Nana-e-Husain

Ya Habib Allahi isma' qa-lana Kijiye rehmat ae Nana-e-Husain

Innani fi bahr-e-hammim mughraqun Kijiye rehmat ae Nana-e-Husain

Khuz yadi sahhil lana ashqalana Kijiye rehmat ae Nana-e-Husain

Istaqamat deejiye Islam par Kijiye rehmat ae Nana-e-Husain

Dil se dunya ki hawas sab door ho Kijiye rehmat ae Nana-e-Husain

Naz', qabr-o-hashr, meezan har jagah Kijiye rehmat ae Nana-e-Husain

Aib khul jayein na mahshar mein kahein Kijiye rehmat ae Nana-e-Husain

Az tufail-e-chaar yaar-e-ba-safa Kijiye rehmat ae Nana-e-Husain

Sadqa shahzadon ka aqa kijiye Kijiye rehmat ae Nana-e-Husain

Sab sahabah ka waseela Sayyida Kijiye rehmat ae Nana-e-Husain

Ghous-o-Khwaja aur Raza ka wasta Kijiye rehmat ae Nana-e-Husain

Murshidi Qutb-e-Madinah ke tufail Kijiye rehmat ae Nana-e-Husain

Har wali ka wasta Attar par Kijiye rehmat ae Nana-e-Husain